Aizawl April 1, 2024 : Lok Sabha inthlanpui lo awm tura BJP tana Mizoram atanga MP Candidate Vanlalhmuaka, State President ni bawk chuan Central sawrkar thara BJP kaihhruai sawrkarah Mizoram-in Union Minister/ Central a neih theih ngei na turin an vote hlu tak pe turin mipuite a ngen.

Vanlahmuaka chuan, "Kan Prime Minister Pu Narendra Modi leh kan National President te duhsakna changin kan hma lawk a Lok Sabha General Election -2024 lo awm tur ah hian BJP- Mizoram Pradesh Official candidate turin ticket pek ka ni a. He Election lo awm turah hian BJP chuan Lok Sabha MP 545 ah MP 370 party malin lak ngei kan inbeisei a, NDA a kan thawhpui party thenkhatte nen chuan 400 chuang Lok Sabha MP nei thei turin kan inbuatsaih mek a ni," a ti.

BJP Mizoram candidate chuan, "Central-ah kawisurutin BJP kaihhruai, Pu Narendra Modi sawrkar kan hrawn mek hi hneh taka tlingin, kan sawrkar leh dawn a ni tih hi tun hunah hian Media kaltlangin Mizoram mipuite hriatah kan puang hmasa a, Chu chu thil lo thleng ngei tur a nih avangin Mizoram mipuite leh tun huna min lo thlirtute pawhin Mizoram in Union Minister/ Central Minister BJP kaihhruai, Pu Modi-a sawrkar thar lo piang turah kan neih ngei theihna turin BJP Official candidate ka nih angin Mizoram mipuite in vote hlu tak minpe ngei turin ka sawm che u a ni," a ti.

State a sawrkar lai MP kher neih a tul lo thu sawiin, "State a sawrkarna chelhmektu LS MP neih kher hi kan lo kal tawh thin dan a ni mai thei; tunah chuan kalphung thar kan ti ta sa sa; New Delhi-ah AAP in an sawrkar, an MP-ah erawh AAP pakhat mah an awm lo; BJP vek an ni. New Delhi in an hlawkpui hle," a ti bawk.