March 4, 2024; Vanlalhmuaka BJP State President chuan, "MP inthlana BJP MP kan thlang lo a nih a, kan sawrkar hrawn mekin sum leh paia harsatna a tawk a nih pawhin, sawrkar lai kan mawhpuh thei lo anga, amawh chu a thlang tu mipuite kan ni dawn," a ti.

Vawiin hian karthar inhlanna neih zawh ah, Lok Sabha MP Election lo awm tur atan street campaign neih chhunzawm in, Tuivamit Veng, Ramrikawn ah neih niin, heng hmunah hian thusawiin Vanlalhmuaka chuan, "Mizoram hian mahni a thawhchhuah leh intodelh theihna kan la neih loh avangin central puihna kan mamawh a, chuvangin MP Election kan hmalawk a kan neih tur ah hian Mizoramin BJP MP kan neih a tul hle a ni. MP inthlana BJP MP kan thlang lo a nih a, kan sawrkar hrawn mekin sum leh paia harsatna a tawk a nih pawhin, sawrkar lai kan mawhpuh thei lo anga, amawh chu a thlang tu mipuite kan ni dawn a ni,"a ti.

Vanlalhmuaka chuan "Kan political party nihna te, NGO-a kan nihna te dah tha a, kan ram kan hnam ngaihtuah chunga MP thusawi thei ringawt nilo, MP thil ti thei nei turin BJP MP kan mamawh a ni," ti bawkin, "BJP kan duhlo emaw kan zawm duh lo a nih erawh chuan central lam khuan min thlir reng avangin, kan state sawrkar hruaitute zin hian sapui an rawn hawn ngai dawn lo a, tawngkam tha leh thlum bak hawn tur an nei dawn lo a ni. Mahni aia fing zawk bum tum hi kan sim a ngai a ni," a ti bawk.