Aizawl April 4, 2024 : BJP Mizoram chuan vawiin khan Lok Sabha MP Election Campaign Launching Programme chu BJP Mizoram State Conference Hall, Mipui Run, Upper Republic ah neiin, he hunah hian BJP State President Vanlalhmuaka, BJP MP Election Official Candidate chuan Mizoram tana candidate tha ber a nih chhan a sawi.

Vanlalhmuaka, BJP Lok Sabha MP Official Candidate chuan, "Mizorama MP Candidate hrang hrangte kan thlirin kei hi a tha ber ka ni lova, nimahsela Central ah hian BJP an Sawrkar leh ngei dawn avangin, BJP Official candidate ka nih avang erawh chuan Candidate ang te ai chuan ka awmna in a zir avang zawkin Mizoram tan chuan ka tha ber dawn thung a ni," a ti.

Hmuaka chuan, "MP Election lo awm tur hi Mizoram tan a pawimawh hle a, Bible-a Josefa dinhmun kan hmuh ang khan, Aigupta rama Josefa a awm a, Kanan rama a unaute tana eitur lo pe a, Farawa dawhkan ah ngei a unaute alo hrai puar ang khan keipawh hi Mizoram Sawrkar a kan CM leh Minister ten Central-a thil an dil hun ah an mahni pui tur leh tlangnel taka Modi dawhkan lo kilpui turin Mizoram mipui te zarah MP a thlantlin ka nih chuan chu chu ka hna tur ani dawn a ni," a ti.

Hmuaka chuan sawi zawmin, "Party thenkhat ina, India ram Hindu rama siam tum anga an sawi thin pawh, India ram hi Hindu ram sa a ni zawk tih hi History ah kan hmu a, Ram thim a nih vangin Tirhkoh Thoma ngei pawhin chanchin tha a rawn thihchilh zawk a ni. Chuvangin Kristiante hian Ram thim rawngbawlna tur kan ngah hle a, chuvangin Political Mit dawivaih hmanga BJP a ni lo zawnga bei thin tute'n min hmangaih vang a ni lo tih hriain, chanchintha kan hrilna tur atana kan intodelh theihna turin BJP MP nei turin Mizoram mipui te pawh inbuatsaih ila, Mizorama MP inthlan pawimawh ber kan hmachawn mek a ni tih hria a, Mizoram mipui te'n, BJP MP ni lova, Mizoram MP ka nihna turin khawngaih taka min vote theuh turin in khawngaih Vote ka rawn dil che u a ni," a ti bawk.