ZALEN June 14, 2024 : Vawiin Blood Donors Day khan Ramhlun South-a ui pakhat kum hnih mi Rio chuan Ui tho Browny Lalhlimpuia hnenah a thisen mamawh tawk a pe.

Browny hi Dr. Vanlalsawma, Kulikawn West vulh lai niin kum 12 vela upa niin Tilmu cancer a ni a, amah hi a chau tawh hle. Browny hi a hma pawhin thisen hi pek a lo ni tawh a, a neitute hian pe leh tur an zawnna lamah Rio neitute hi an be fuh a, ruahmanna siamin vawiin khan The Pet Division, Kulikawn-ah thisen hi an inpe ta a ni.

Ui hian Blood group 13 vel an nei anga sawi a ni a, Chutihrualin International standard-ah chuan Blood Group pariat pawm a ni a, hei vang hian a inmil hmuh mai pawh thil har tak ni thei a ni a, amaherawhchu Rio leh Browny te thisen hi test a nih hnuah a lo inmil a, an inpe thei ta a ni.