DOWNLOAD OUR APP

Read latest news on your phone
app-store
Blood group hrang hrang atanga mize hriat dan
Aug 01, 2022

Mi thiam te chuan, kan pian ken chi hrang hrang, kan number duh zawng, rawng duh zawng, ke pian hmang leh kut tang sei dan atang te, din dan, thut dan leh mut duh dan leh kal dan atang thlengin kan rilru put hmang leh duh zawng te, kan fin leh fin loh te thlengin thil tam tak an hre thei.

Tun tumah chuan kan blood group atanga kan Intelligence quotient (IQ) san leh san loh dan an zir chhuah dan kan en ho dawn a ni. Zir chianna hi a dik em tih chu nangma lamah khan i lo in chik ve chhin mai dawn nia. Blood group type atanga personality zir bingna hi a scientific hming chu 'Ketsueki-gata' a ni. 

Mimal blood group atanga personality zir bingna hi blood type chi li: A, B, O, leh AB atanga teh an ni. Hetiang lam zir chianna hi Japan ramah an uar zual hle nghe nghe. 

Blood Type A Personality: 
Blood type A te chu an creative-in an fing duh hle a, midang nena thawh ho an thiamin zauthau riau chang an nei thin bawk. Thutlukna an siam dawnah an fimkhur thin em vangin chetsual theihna an pumpelh fo thin. Hna thawhna kawng tam takah that bikna an nei a, thianghlimna an ngai pawimawh em em bakah an hna an uluk thei hle a, mi ngaihsak an thiamin an thil tihah an nghet thin hle bawk. 

Blood type A nei te hi an fing-in rem an hre duh phian a, mi biangbiak an thiam duh hle bawk. A chang chuan an luhlul-in an tihmawh ve thin hle a, thil vei ngut ngut an ching bakah thil a thim lama thlir ching mi an ni duh viau bawk. An thil tih leh ngaihtuah kawngah chuan mahni thu duh leh inngaihhlutna ngah ve tak an ni bawk thin. An mahni ringtute kiangah chuan an inhawng thei hle bawk.

Blood group A hnuaiah hian A+ leh A- an awm leh a, A+ te chu hruaitu atana tha tak an ni a, midang nena thawh ho an thiam bakah an rintlak a, an fing tel bawk. Chak lohna lai erawh an nei ve a, an thinchhia-in mi tlin lohna an hmu thei em em a ni. A- te pawh hi mi taima leh thawkrim tak, ruahmanna siam thiam leh mi tumruh tak a ni duh a, an thin a chhia-in an thil tih beidawn san mai an ching.

Blood group A ho tana career duhthlan chu: Economist, Librarian, Accountant, Graphic Designer, adt.

Blood Type B Personality: 
Blood type B te hi an chak duh hle a, an harhvang-in an creative duh phian a, pui-pun leh huau-huau an lawm phian phian bawk. An hlim thei em em a, an adventurous bakah thil thar hmachhawn duh mi an ni a, an thluak a chak vang hian mi vantlang chung lam a ngaih theih an awm nual a, chawlh hahdam nuam an ti em em thin bawk. 

Zir chiannaah chuan blood type zawng zawng zingah an thluak a chak tha ber a, suangtuahna rama chen an hratin nuam pawh an ti hle thin. Hriatrengna tha tak an nei a, mathematic leh science subject an thiam thei hle bawk. Mahse, an famkim bik vek lo va, a chang chuan dawn tawi riau chang te, fimkhur lo taka chet chang leh puitling tawk lohna lai an nei ve fo thin. An ngaihtuahna a inthlak phut thin vangin an awm dan tur pawh sawilawk theih loh chang an nei fo thin a, kal phung mumal neih theih loh chang pawh an ngah. An that chhiain midang nena inlaichinna siam kawngah an tha lutuk lo bawk. 

Blood group B hnuaiah hian B+ leh B- an awm leh a, B+ te chu an emotional-in midang puih an peih a, relationship an dah pawimawhin an hmel pawh a tha duh phian. An smart bakah an IQ a sang duh. An thinrim hma em em thung.

B- te erawh thawhrim ngaina mi an ni duh hle a, an smart bakah an tum a ruhin sang tak thlen duh mi an ni. A chang chuan an  selfish ve thin bakah midang puih nachang an hre vak lo. 

Blood group B ho tana career duhthlan chu: Journalist, Artist, Business, Consultant, Entrepreneur leh Musician, adt.


Blood Type O Personality
Blood type O te chuan mahni inrin tawkna an ngah tlangpui a, an huaiin mi tum Mi thilphal leh midang tana mi tangkai tak nih duh mi an ni bawk. Thil hriatna zau tak nei duhmi an nih vangin finna kawng nia an hriat zawh nuam an ti. Nun phung hrim hrim-ah sang taka nun duh mi leh mi ropui tak nih duh mi an ni thin.

Hruaitu atan an tha duh phian a, hma hun tur thui tak ngaihtuahin suangtuahna rama chen an ching thin em em bawk. Thil a eng zawnga thlir mi niin harsatna an tawh chang pawhin an hnem zung zung thin. Thil care em em i neih loh vangin a chang chuan mahni in dahpawhmawh anga lan chang i nei fo thin ang. Independent tana nun leh remna duh mi an ni duh tlangpui bawk. A chhe lamah chuan mi hnehsawh leh chaldelh taka fiam te an hrat a, rilru thlak thut ching an nih vangin an thil tih tum a sawi lawk theih vak loh bawk. 

Blood group O hnuaiah hian O+ leh O- an awm leh a, O+ te hian mi puih an peih a, midang tana malsawmna nih duhmi an nih bakah beiseina nei ngah mi an ni duh. A chhe lamah chuan mahni in dah pawimawh hmasa thin an nih bakah thil experience thar lam an lawm em em lo. 

O- pawh beiseina ngah mi an ni a, mi tum ruh an nih bakah harsatna an tawh chang pawhin an fan lui thei em em a, pian pui BA kan tih mai finna an nei duh hle bawk. An rilru hawi zawng hriat sak a harsat bakah mahni induh ve larh chang an nei thin. 

Blood group O ho tana career duhthlan chu: CEO, Politician, Actress, Model, Public Speaker, adt.

Blood Type AB Personality :
Blood type AB te chuan mi biang-biak an thiam tlangpui a, hun harsaah mahni insiam rem zung zung an thiamin an hreh lo va, thil an chik duh phian bawk. An hmeltha tlangpui a, thil sawi an thimin pawn chhuah an ngaina duh hle.

Rual pawl an thiam em em lo naa an mi kawm tawh te tan erawh an rin tlak fu lawi si. Blood type AB te hi an haihawt tlangpui a, thil an duh chipchiar avangin an ninawm duh phian bawk. Tin, mi sawisel an peihin mal taka awm duh chang an nei thin. AB blood group te hi an mizia-ah chuan blood type A leh B kaihkawp ang deuh mi pawh an awm thin.  

Blood group AB hnuaiah hian AB+ leh AB- an awm leh a, AB+ te chu an Caring-in an fing duh nek a, an hmeltha tlangpui bawk. Mahse hmin an harsa bakah an khirh a, an luhlul duh phian. AB- te hi an IQ a sang tlangpui a, an thluak a chakin an thil thlir dan pawh a zau fu thin. Mi rin mai an harsat bakah a luhlul duh phian. 

Blood group O ho tana career duhthlan chu: Teacher, Lawyer, Social Worker, Counsellors, Healthcare, adt.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh