Bollywood disco legend ti hiala an sawi thin Bappi Lahiri chu kum 69 mi niin Mumbai Hospital-ah a thi. 

Bappi Lahiri hi thla khat vel zet chu Hospital-ah enkawl a nih hnuin Thawhtanni khan a chhuak a, OSA (obstructive sleep apnea) in a boral zui ta a ni. Bappi Da hi Thawhlehni khan a na zual a, Hospital panpui leh ni mah se zanlaiah a boral zui ta a ni. Bollywood star tam takin Bappi Lahiri uina thu an tarlang a, Akshay Kumar leh Ajay Devgn te pawhin Twitter kaltlangin an ui thu an tarlang - Akshay Kumar pawh a bang bik lo. 

Bappi Aparesh Lahiri hi singer, composer leh record producer niin, Indian cinema-a disco music bultantu leh tilartu a ni. Bengali film lar tak tak - Amar Sangee, Asha O Bhalobasha, Aamar Tumi, Amar Prem, Mandira, Badnam, Raktelekha leh Priya banak, Hindi film music - Chalte Chalte, Suraksha & Disco Dancer te chu a larpui hle a ni. Bappi Lahiri hian 2014 khan politics luhchilhin BJP a zawm a, Sreerampur (Lok Sabha constituency) West Bengal atangin BJP candidate a ni a, mahse a tling zo ta lo a ni.