ZALEN, Apr. 23, 2026: Mizo Thu leh Hla Inpui (Mizo Academy of Letters - MAL)-in Ningania an dim champha an lawmnaah kum 2025 chhunga Mizo tawnga ziak lehkhabu tha bera an thlan thar, ‘Kham leh Suar’ ziaktu, Lalrammawia Ngente hnenah lawmman an hlan.

Dr. Zoramdinthara, MAL Ziaktu Lian chuan kum 2025 khan Mizo tawng lehkhabu 223 a chhuah thu leh tehfung hrang hrang hmanga an teh hnuah Book of the Year thlan chhuah a nih thu a sawi.

Ramtea Ngente hnenah khual lian, Art & Culture Director Carol VLMS. Dawngkimi’n chawimawina thu ziak leh Rs. 10,000 a hlan a ni.

Kum 1989 atanga MAL-in a hlan tan, Book of the Year chawimawina hi tum 37 hlan a ni tawh a, Ramtea Ngente hian a vawi hnih dawnna niin kum 2009 khan ‘Rintei Zunleng’ tih hmangin a lo dawng tawh.

MAL din champha lawmnaah hian khuallian chuan Dr. Darchuailova Renthlei, Dr. H. Laldinmawia leh Lalrinngheta te lehkhabu a tlangzarh nghal a. Chawhnuah Dr. Lalthlamuana Ralte buatsaih, ‘Tunlai Thiamnain Mizo Thu leh Hlaa Hnuhma a neih dan’ tih an zirho bawk.