Aizawl April 30, 2024 : Vawiin khan Zo Re-Unification Organisation (ZORO) chuan ZORO Pisapui, Treasury Square-ah Executive committee meeting an nei a, meeting-ah hian India Sorkar in India leh Burma border hung (fencing) a tum chungchang leh Free Movement Regime (FMR) thiah a tum chungchangah Peaceful Rally huaihawt an rel.

R. Sangkawia President in a kaihruaia meeting chuan India Sawrkar in India leh Burma border hung (fencing) a tum leh Free Movement Regime (FMR) thiah a tum chu unau thlah khat min then hran a tumna leh Zofate nekchep a tumna niah an ngai a, tha lo an tiin, an duh lo hle. India leh Burma ramri hung (fencing) tum a duh loh lan tir nan leh Free Movement Rigime thiah tum a duh loh zia lantir nan Burma border-ah ni May 16, 2024 hian Peaceful Rally neih tum a ni. ZORO in peaceful rally a neih turah hian Mizoram mipui leh Burma ram chhunga Zofate a tam thei ang ber tel turin an sawm a ni.

ZORO in Burma leh India ramri hrul a Border fencing duh lohna leh Free Movement Regime(FMR) thiah tum duh lohna Peaceful Rally a neih rual hian India leh Burma ramri hrul a awm khua ten mahni remchan dan anga lo huaihawt ve turin ramri hrul a khaw tinte a ngen nghal bawk a ni.