Thangkhat lian zet a vei hnuah American singer Britney Spears chu 'conservatorship' atangin a zalen dawn tak tak ta tih khawthlang media te chuan an tarlang. 
Britney Spears hi US-a dan pakhat 'conservatorship law' an tih hmangin 2008 atang khan a chunga thuneitu atan a pa Jamie  Spears chu conservator atan ruat a ni a, kum 13 zet chu he dan hnuaiah hian a lo kun tawh a ni. 
He khua khirhna atanga zalen tur hian nasa takin a bei a, vawi eng emaw zat court-in a chungthu a ngaihtuah hnuah zalenna a hmun ta a ni. 'Baby One More Time' singer thlawptu mi thahnem tak chuan tun hnai khan kawng an zawh a, Britney Spears zalen tura an duh thu an auchhuahpui a ni.