Aizawl: Tripura a awm mek Bru-te chuan January 15, 2019 atangin chhawmdawlna pawisa leh ration an dawng tawh dawn lo nia thudawn a ni. Mizoram Bru Displaced People’s Forum (MBDPF) hruaitute chuan sawrkar laipui atanga chhawmdawlna an dawn thin chu Ministry of Home Affairs chuan January 15, 2019 thleng chauh a pe chhunzawm dawn nia an hriat thu an sawi. Thudawn danin Bru relief camp-a awm zinga 40% vel chuan aadhaar card tifelin bank account pawh an hawng tawh a, thil tifel tawhte hi chu Mizoram a kir thei a ngaih an ni. Sawrkar laipui, Mizoram, Tripura leh MBDPF te inremna angin Bru te hi August 25, 2018 atang October 25, 2018 chhunga Mizoramah let vek tura inremna siam a ni a, chhungkaw 5,000 chuang Mizoram mi nia chhinchhiah an ni chungin chhungkaw 40 bawr vel chauh an kir a ni.