Aizawl Branch te dinhmun - 2020-21

Branch                    Beisei zat           Pek zat
Aizawl North I       Rs. 32,00,000     Rs. 45,74,610
Aizawl North II      Rs. 32,00,000     Rs. 46,89,790
Aizawl North III     Rs. 20,80,000     Rs. 33,21,295
Aizawl South I       Rs. 26,20,000     Rs. 35,90,721
Aizawl South II      Rs. 19,40,000     Rs. 28,10,015 
Aizawl South III     Rs. 19,40,000     Rs. 28,09,217 
Aizawl West           Rs. 18,20,000      Rs. 31,07,487
Aizawl West           Rs. 18,20,000      Rs. 31,07,487

Aizawl Auxiliary chuan kum kalta 2020-21 a an target chu Rs. 1,28,81,602 in an khum a, Covid 19 hripui leng vangin kum dang erawh an khum lo.

BSI Aizawl Auxiliary a Executive Secretary Rev. Remlalfaka hnen atanga ZALEN thudawn danin, sawrkar kum liamta 2020-21 a an target Rs. 3,22,83,000 a nih laiin an sum hmuh chu Rs. 4,51,64,602 a ni a, target khumna chu Rs. 1,28,81,602 a tling.

Kum 2019-20 a an target chu Rs. 3,11,23,000 niin, an sum hmuh chu Rs. 4,96,15,921 a ni a, target hi Rs. 1,84,92,921 in an khum. Kum liam ta a sum hmuh in 2019-20 a phak loh nachhan chu Covid 19 hripui leng vang a ni tih Rev. Remlalfaka chuan ZALEN hrilh in, hrileng karah an beisei aia tam an hmuh thu a sawi. "Hrileng vangin harsatna tawk mahila, Pathian thu mamawhna a sang zel a, harsa chung chung pawh a theihtawp chhuah zel turin mi zawng zawng ka sawm a ni," Rev. Remlalfaka chuan a ti. 

BSI Aizawl Auxiliary office thin Bible House chu leikhi vanga luah zui theih a nih loh hnuah, Raj Bhavan chhim lam gate ep, BSNL office thlanga sawrkarin ram a pekah August 5, 2019 khan ban khur laiin Bible House tur sak tan a ni a, cheng nuai 1,100 ruahman a ni. Mizoram sawrkar atanga an dawn cheng nuai 407 bakah, BSI hmunpui lam atangin cheng nuai 350 hmuh beisei niin, heng bak cheng nuai 400 chu BSI Aizawl Auxiliary member te thawhchhuah tur a ni.