BSNL an tawp dawn lo, Mizoram-ah 4G pekchhuah thuai tum
Aizawl: Tun hnaia electronic media, chanchinbu leh social media thenkhata Bharat Sanchar Nigam Limited (BSNL) tawp tur anga thuchhuak awm chungchangah BSNL chuan thuchhiah siamin, thu belh chian dawl lo an nih thu an tarlang. Mizoramah pawh 4G service pek chhuah thuai an tum niin an thuchhuah chuan a tarlang.
CGMT, NE-1 Telecom Circle, BSNL, Shillong B Chandra Sekhar chuan, “Hetianga media thenkhata BSNL tawp tur anga sawi hi thu belh chian dawl lo a ni,” tiin, BSNL chu sawrkar hnuaia Public Sector Unit (PSU) niin sawrkai laipui ta a ni a, tihtawp tumna a awm lo tih an thuchhuakah hian an tarlang.
An thuchhuahin a tarlanah hian BSNL Network chu ram pum huap, thingtlang kilkhawr ber thleng ngelnghet taka inbun a ni a, mi mal mai bakah Defence force, Paramilitary force, PSU dang leh sawrkar department hrang hrangte phuhrutu a ni, an ti. BSNL hian service hrang hrang, Landline, Broadband, FTTH, Leased Line, MPLS, Mobile services, VSAT, leh Satellite phoe bakah thil dang pawh a pe chhuak reng a, 4G service phei chu state tam takah service dangte aia chak pe chhuaktu a ni tih an sawi a, Mizoram, Meghalaya leh Tripura-ah 4G service hi BSNL hmangtu te tan pek thuai an tum tih an tarlang bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024