ZALEN Sept 2, 2024; Nizan dar 8:30 vel khan Diakkawn field-ah insualbuai an awm a, police te hriattir an nih hnuah YMA te nen tang tlangin kumtling lo naupang 5 man an ni.

Kolasib Aw a tarlan a nih danin, buaina a awm tih hriain New Diakkawn leh Vengthar YMA hruaitute ten Diakkawn field hi an pan nghal a, police te pawh an thleng thla ve nghal bawk. Mahse thenkhat chu lo tlanchhia a, YMA hruaitute nen tangtlangin an vai hian man vek an ni.

Amaherawhchu buaina siamte hi naupang kum tlinglo vek an nih avangin 'Juvenile Detention' ah dah an ni thung.

An sawi dan chuan inkhawm bang lo haw lam te chu heng tleirawlte hian lo tibuaiin an insualpui a, a bulhnaia awm te pawhin thelh tum mahse an thelh thei lo a ni.