ZALEN September 17, 2026: Excise & Narcotics Department leh an thawhpuiten ram pawn lam mi hnen atangin Methamphetamine thahnem tak an man.  

Excise & Narcotics Department, 14th Bn. Assam Rifles leh SB, Champhai te thawkho chuan September ni 16, 2026 (Nilaini) tlai dar 4:10 khan Zote – Bulfek kawngpui, Champhai District-ah Methamphetamine Kg 5 & gram 500 (Tablet 50,500) leh a neitu nia puh – Kamkimsiang (20) s/o Thangdeihhau, Bukphir khua, Myanmar-a khawsa nia inchhal an man. 

Methamphetamine vanga man, Kamkimsiang hi The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak a ni. September 18, 2026 khan Court-ah hruai a ni a, Court-ah thiamloh a chang a nih chuan Kum 10 atanga kum 20 Jail tang tur leh pawisa Cheng Nuai 1 atanga cheng Nuai 2 thleng chawi bawk tura hrem theih a ni ang.