Monkeypox chuan khawvel ram hrang hrang a luhchilh mek a, khawvel ram ropui US meuh pawhin public health emergency a puang ta - buaipui tham a tling chho tak zet ta e. India-ah chuan he hrikai hi mi pakua an awm tawh a, sawrkar laipui pawhin expert meeting a ko. 

US-ah chuan he hrikai hi mi 7000 an chuang tawh a, Ningani khan public health emergency an puang hial. India-ah chuan Delhi leh Kerala-ahte hmuhchhuah a ni a, sawrkar laipui chuan health expert meeting a ko a, chak taka hma lak mek zel a ni. onkeypox hi ram 81-ah a darh tawh a, vei mek hi khawvel pumah mi 26,000 chuang an awm tawh a, a la pung chho zel bawk. 

Tih tur 
1. Monkeypox veite chu midang lak atanga dah hran nghal tur. 
2. Hand sanitiser hman thin tur.
3. Sahbawn leh tui hmangin kut fai taka sil tur. 
4. Mask-in hmui tuam tur a ni. 
5. Vei hmuhchuah an awmin a bul leh a vel disinfectant hmanga kah thianghlim tur. 

Tih loh tur
1. Symtom nei nia inhriat chuan vantlang zingah awm loh tur a ni a, in test vat tur. 
2. Hrikaite nen hmanrua intawm loh tur.
3. Hrikai nia rinhlehte bulhnaiah awm loh tur. 

World Health Organisation (WHO) chuan Monkeypox hi public health emergency-ah a lo puang tawh a, mitinte fimkhur turin a chah. WHO Director-General Tedros Adhanom Ghebreyesus chuan WHO Emergency Committee rawtna angin July 23 khan Monkeypox hi Public Health Emergency of International Concern (PHEIC) ah a puang a, hetih hun lai hian ram 71-ah hri hi a darh. Tunah chuan ram 80 chuangah a darh tawh a, ram hrang hangten a doletna kawng nasa takin hma an la mek.