December 15, 2023; Aizawl City Bus Owners' Association (ACBOA) chuan bus chuan man (fare) atan pawisa zawr chhe tawh lutuk pe lo turin mipui an ngen.

ACBOA chuan thuchhuah siamin, tunlaiin city bus chuan man atan pawisa chhia an dawn nasat thu an tarlang a, "Pawisa note chhia, ṭet leh zawr, oil kaite mipui lam atangin kan dawng nasa a, bank-a dah luh (deposit)-naah harsatna kan tawk nasa. Khawngaih taka pawisa chhe zawr lutuk bus fare-a pe tawh lo turin mipui kan ngen a ni," an ti.

Krismas leh kumthar vuakvetah December 22-26, 2023 inkar leh December 29, 2023 atanga January 3, 2024 thleng ACBOA pisa khâr a nih dawn thu an tarlang bawk.