Aizawl December 15, 2022: Aizawl City branch leh CEC te rawtna anga CYMA-in a din Central Anti Drugs Squad (CADS) 2nd batch te chuan November 18, 2022 leh December 15, 2022 inkar hian No. 4 / Heroin cheng nuai 40 chuang man an man tawh. 

CADS-ah hian City branch aiawh pakhat theuh member atan ruat an ni a, CYMA atangin a convener insiam a ni bawk. CADS 1st Batch hi September 19, 2022 khan bul tan a ni a, November 17, 2022 khan an hun a tawp a, November 18, 2022 atang khan 2nd Batch bul tan leh a ni a. Second batch hi thla hnih chhung tur bawk a ni. 

Central Anti Drugs Squad (CADS) 2nd Batch te hian bul an tantirh atanga vawiin thleng khan heng ruihhlo te hi an man.

1. HEROIN (No. 4)
Hawng - 113
Cane/Tictac - 644
2. Cough Syrup - 21
3. Excise/Police hnena hlan mi - 8
4. Counselling class kal lai -  103
5. Home a dah - 9
6. No. 4 sum-a hlut zawng - Rs. 41,39,800

CADS 2nd batch ah hian CYMA Treasurer Fabian Lalfakawma chu Convener a niin, RL. Zomawia CEC chu Asst. Convener a ni a. Lalfakawma CEC chu Secretary niin, L . Ramdinliana Renthlei CEC chu Asst. Secretary a ni.