Central YMA-in ruihhlo do tura a ruat, Central Anti Drugs Squad (CADS) batch ngana chuan ni 17 chhungin ruihhlo kaihhnawihah mi 97 an man hman.

CADS batch ngana atana member-te hi July 14 khan lak luh an ni a, lak luh an nih atanga ni 17-na, July 31 thlenga ruihhlo kaihhnawiha mi 97 an man zinga mi pariat chu excise & narcotice department hnenah an pe a. Mi pariat home-ah dain mi 53-te hnenah  counselling an pe bawk.

Ni 17 chhung hian ruihhlo chi hrang hrang - heroin (No. 4) hawng 32, tictac 229 (hawng 6.5 hu); AP/Trama mum 60 leh ganja bawm 30 an man bawk.

CADS batch nganaah hian Aizawl khawpui chhung branch hrang hrang atangin member 24 bakah anmahni ho khawmtu tur mi paruk, an vaiin mi paruk ruat an ni a. Convener atan YMA CEC atangin R.Lalchhandama ruat a ni bawk.