Queen’s Club khelh mekah Cameron Norrie chuan semi-final a lut a, British number one Dan Evans erawh a vandui a, semi final a thleng ve phak lovin a tla thung. Kum 25 mi Norrie hian wildcard hmanga lut Jack Draper, kum 19 chu 6-3 6-3 in a hneh.

Quarter final inkhelh dangah Berrwttini-a chak thung a, he inkhelhhi ruahsur vangin darkar li lai tih khaw tlai a nih hnuah Italian top seed Matteo Berrettini lakah Evans chu 7-6 (7-5) 6-3 in a tlawm bawk.

Norrie hian semi-final ah Canada mi Denis Shapovalov leh American Frances Tiafoe te chak zawk zawk a tum ang. Anni inkhel pawh hi Shapovalov-a’n 6-3 a hma a hruai laiin ruah sur vangin chawlh san rih a ni.

Andy Murray hnehtu Berrettini-a hian Marin Cilic 3-6 6-3 6-4 a hnehtu Australian Alex de Minaur a tum ang. 

South Africa a piang Norrie hian 2018 kum a Davis Cup a khelh kha a khelhna hmasa ber a ni a, hei hian a ranking pawh a siam phah a ni. Clay a khel thin khan kumin chuan grass-ah khelin ,atch 29 laiah chakna a chang tawh a, player nghet tak a nih zia lan tirin a fuat leh thiamna kawngah hma a sawn hle bawk. 

Kum 2019 Wimbledon boys' finalist hi tunah world number 41 niin quarter final an khelh-ah hian  break point vawi thum zet a dan theih vang hian pressure a ngam hle tih a hriat awm e. 

Norrie chuan,"Ka mamawh hunah ka served tha thei hle a, a bik takin kan point min break sak dawnah ka che tha thei hle,” a ti.