DOWNLOAD OUR APP

Read latest news on your phone
app-store

Canadian Open-ah Cameron Norrie, Jack Draper leh Dan Evans ten third round an lut

Aug 11, 2022

Britain mi Cameron Norrie, Jack Draper leh Dan Evans te chuan Montreal-a Canadian Open khelh mekah third round an lut vek a, Nick Kyrgios chuan world number one Daniil Medvedev a hneh.

Britain mi Cameron Norrie, Jack Draper leh Dan Evans te chuan Montreal-a Canadian Open khelh mekah third round an lut vek a, Nick Kyrgios chuan world number one Daniil Medvedev a hneh.

Kum 20 mi Draper hian Greek mi world number 5 Stefanos Tsitsipas chu 7-5 7-6 (7-4) in a hneh a, top 10 player a vawi khat hnehna niin amah pawh a hlim hle a ni. Evans chuan world number eight Andrey Rublev chu 6-4 6-4 in a hneh ve bawk. 

British number one Norrie, kum 26 chuan Dutchman Botic van de Zandschulp chu 6-1 6-2 in a hneh a, Wimbledon finalist Kyrgios, kum 27 mi hian tie-break hmangin set khatna a hloh phawt a, mahse Australian hian bei letin 6-7 (1-7) 6-4 6-2 in a hneh let leh thei a ni.

Kum thum chhung zet ATP tour title khel tawh lo Australian hian kar liam ta khan Wshington-ah Citi Open title a hum haw a, he tournament-ah hian set khat pawh a hloh lo. 

World number 82 Draper hian set khatna a lak hnuah set hnihna a hloh teuh hle a, a hmachhawn Tsitsipas-a khel chhiat tum a tawng hlauh nge ni, an inkhelh chhung hian Tsitsipas hian unforced error tum 40 zet a nei. Quarter-final ah seeded 17-na France mi Gael Monfils a hmachhawn ang. Kum 32 mi Evans chuan American Taylor Fritz a hmachhawn thung ang.

Norrie kar hmasa a Los Cabos Open semi-final-a a hneh tawh Felix Auger-Aliassime a hmachhawn ve thung dawn a, anni pahnih hi tum 5 inhmachhawn tawhin tum khat chiah Norrie hi a la chak a ni.  

Grand Slam tum 22 champion tawh Rafael Nadal chuan kar thara khelh tur Cincinnati Open-a a tel theih tur a tichiang tawh a, Wimbledon-a a dulthuar a tih nat vangin Canadian Open-ah hian a tel thei lo a ni. 

Share now