DOWNLOAD OUR APP

Read latest news on your phone
app-store

Canadian Open: Round khatnaah Andy Murray a tla nghal

Aug 10, 2022

2009, 2010 leh 2015 Canadian Open champion Andy Murray chu Canadian Open khelh mekah first round-ah straight set-a chak lovin a tla. A Briton pui Cameron Norrie erawh Montreal-ah a kal tluang rih. 

2009, 2010 leh 2015 Canadian Open champion Andy Murray chu Canadian Open khelh mekah first round-ah straight set-a chak lovin a tla. A Briton pui Cameron Norrie erawh Montreal-ah a kal tluang rih. 

Tum thum champion tawh Murray hi American Taylor Fritz chuan 6-1 6-3 in a hneh a, Cabos Open  final-a chak zo lo hlim British number one Norrie erawh chuan American Brandon Nakashima chu 6-4 6-4 in a hneh thung. Anni bakah hian Britain mi tho Jack Draper leh Dan Evans te pawhin chakna an la chang.

Ruah sur vanga darkar 24 zet an chawlh lailawk hnuah Wimbledon quarter-finalist leh world number 13 Fritz hian a tir atanga a tawp thlengin game a thunun a tih theih awm e. Murray-a chak lo beidawng hi a chemawi vak lo va, a racquet-in lei a vaw nghek a ni. 

Norrie thung hian a khingpui Nakashima hneh turin minute 73 chiah a mamawh thung a, world number 11 hian second round-ah Botic van de Zandschulp a hmachhawn ang. 

Draper chuan France's Hugo Gaston 6-2 6-3 a a hneh hnuah Greece mi world number five Stefanos Tsitsipas a hmachhawn dawn a, ruah-in hun eng emaw chen a tihbuai hnuah Evans chuan 6-2 1-6 6-0 in Filip Krajinovic a hneh a, first round-a bye Russia mi Andrey Rublev a hmachhawn ang.

Share now