Kum 2020-a a chetsual hnu khan, Canada khawpui Vancouver-a cheng Mia Miranda chu khumah thla tam tak chhung a mu a, a chetsualna vangin kea kal a harsat a, a zin thei lo va, ṭhiante pawh a kawm thei meuh tawh lo. 

Mithiam ten an puih hnuah tha taka rawn dam chhuak lehin, a nun hlui te ngaia in dawnkun mai lo turin a rilru a ti paukhauh a, a nun ruak tak hnawh khahna tur chu a zawng tan ta. Tichuan inlam atanga a tih theih tur chi hrang hrang a ngaihtuah hnuah a chem kalna Onlyfans chu a zawm ve ta. 

 Mia chuan a hlawhtlinpui hle a, hun rei lote hnuah kar khat chhungin puitling subscription sang chuang te a nei thei der mai. 

Car-a a chesualna chuan Mia nunah nghawng a nei lian hle a, thla tam tak chhung chu lu na leh luak chhuak a neih reng thin vangin a rilru a na thin hle a ni. 

Diagnose te lain kum 2021 April thla atang khan a dam tha ve ta a, mahse pawn lamah a vak chhuak thei rih chuang lo. Mia chuan,"Ka inngaihtuah lungpuam chang chuan ka rilru hi a na ngawih ngawih a, nun phung pangai hi ka ning a, hna ka thawk thei lo va, inchhung hna takngial pawh ka thawk thei lo,” a ti. 

“Hmeichhe harhvang leh zam tha, tumruh ve tak kha ka ni ve thin a ni a, mahse tunah chuan ka lu a na hma em em a. Ka thin a chhiain ka chau hma hle bawk. Mahse, kum hnih chhung ka therapist leh counselor te puihnain ka dam ta a ni," a ti. 

Tunah chuan Mia hian subscription site atangin kar khatah £4,400 a hlawh a, mimal thila a lam sakna atangin kar khatah £13,000 atanga £18,000 a hlawh thin bawk.

Nula duhawm tak chuan a thil tih mek chu khawvel hmaa a nihna famkim a lantir theihna kawng a nih avangin nuam a ti hle a, tunah chuan zin te, hla sak, hla phuah leh a duhzawng ti turin zalenna a nei ta bawk a, nuam a ti hle a ni. A bik takin a fans te tana custom content siam chu nuam a ti hle a ni.