June 5, 2023; Manipur atanga sahimna zawnga Mizoram pan rawn car pakhat chu nizan dar 10 bawr vel khan chesualin mi 2 an thi a, 3 in hliam an tuar.

Lamka, Churachanpur atanga nimin Pathianni a Aizawl pana kal car pakhat chu nizan dar 10 vel khan Saitual leh Saichal inkar, Saitual atanga km 10 velah chesualin kawng thlangah a tlan liam a, a hmunah mi pahnih an boral.

Boral te hi Lamneihkhol (23) d/o Lensat Haokip, B.Aijalon, Lamka a khawsa leh Haoseikipgen (57 s/o Ngamkholun Kipgen, B, Aujalon, Lamka a mite an ni a. Hliam pathum an awm a, Seilungmuon (1) s/o Kamgenthang te, Ningchingtheng (7) d/o Lunminleh leh, Nengkipahthem (15) d/o Lensap Haukip fanu te an ni.

Nizan khan Sub Hqrs YMA Saitual hruaitute leh Saitual a Branch YMA hruaitute, Sub Hqrs YMA Disaster response team te, Police te leh Saichal Branch YMA, Saitual VC te leh tlawmngai YMA member ten buaipuiin Sub Hqrs YMA Committee room-ah tlaivarpui a ni. Hliam tuarte hi Aizawl lamah enkawl tura lak an ni.

Mitthi te hi JK Pauthang, Saitual College Lecturer te inah lak a ni a, postmortem hnuah an khua Lamka, Manipur lamah lak an ni ang.