ZALEN November 1, 2024 : Chief Minster Lalduhoma chuan Ration card thliar fel mekah, card eng leh pawl a lut thei silo card var nei rethei harsa si te tan Special Ration Card Sen siam a ni dawn tih a sawi.

Vawiina Hand Holding Banna Kaih policy leh National Livestock Mission Scheme tanhona tur hawnna inkhawm neih ah Chief Minister Lalduhoma chuan sawiin, Special Ration Card Sen-ah hian chhungkaw 2500 tan ruahman niin hei hian mihring nuai 1 a huam dawn tih a sawi.

Hemi-a lut tur te chu a bialtu DCSO te thuneihna pek anni a ti a. Hemi thunluh turah hian NGO te puihna an mamawh hle tih CM chuan sawiin a bikin hemi atan hian VC te puihna a ngai dawn tih sawiin khaw tam tak VC puih danah erawh an lawm loh thu CM Lalduhoma hian a sawi bawk.