Aizawl July 3, 2024 : Vawiin khan Food Civil Supplies & Consumers Affairs Minister B. Lalchhanzova chuan Chanchinthat lakhawmtute a kawm a, he hunah hian CM, Minister, MLA leh Group A Officer te Buhfai quota an lei tihtawp Cabinet Meeting-in an rel thu a sawi a, Card var la te buhfai khulhna tihsan tum a nih thu a sawi bawk.

Chhanzova chuan 18/6/2024-a Cabinet Meeting chuan CM, Minister, MLA leh Group A Officer te tan Buhfai Quota lei thin tihtawp ni se a rel a, hmahruai ila, khawsak harsa lemlo te pawh ngeh chhoh zel ni se, an tih thu a sawi. Buhfai KG khata subsidy pek thin chu Rs. 10-ah ti hniamin, Car var hmangtute ten Rs. 15-a an khul thin chu Rs. 30-in an khul tawh ang, a ti.

Retailer lawmman KG khat Rs ).50 ni thin pawh Rs. 1.50 ah tihsan a nih tawh tur thu a sawi a, Retailer te lawmman hi NFSA bikah Centre-in Rs 135 per qtls an tum sak thin a, state in Rs 45 per qtls an tum ve thin a ti a. He subsidy ennawn hian NFSA dawngtu Card Eng leh Card Pawl hmang te a nghawng ve dawn lo, a ti bawk.