March 21, 2024; Civil Hospital, Aizawl Casualty ah nizan khan ui seh 16 an awm a, zan khat thil thu a damdawiin pan ngai ui seh an tam ber pawl a tling.

Ui seh vanga buaina hi Aizawl mai ni lo, Mizoram hmun dangah pawh buaina tham a tling fo thin a, a reh mai dawn lo ni te pawhin a lang. Vulh satliah a kan vulh zel a nih chuan a seh tuar lam pawh hi an tam belh zel lo thei lo.

Tunhnai maiah pawh hmeichhe naupang pakhat chu ui seh vangin damdawiin hial luh pui a lo ngai tawh. Aizawl a veng hrang hrang bakah, khaw tam takah ui khuahkhirha thupek chhuah a ni fo thin a, tha taka enkawl a, duat tak a vulh hi a tam zawk chu an ni ngei ang.

Hetihlai hian mi tlemte, inthlahdah te vangin harsatna a thleng fo thin. Fimkhur ila, enkawl uluk ila, duat leh him takin, dan zawm chungin vulh ila, mi an seh mai bak ah an zun leh ek thlengin midang tana hnawksak lo turin a vulhtu ten tan i la thar sauh sauh ang u.