ZALEN September 26, 2026 : Council of Churches in Mizoram (CCM) chuan September ni 27, 2026, Pathiannia Public Sector Bank leh Regional Rural Bank-te inhawng tur chu tha a ti lo tih thuchhuah siamin an tarlang.

September ni 28 atanga 30, 2026 chhunga Bank Employee's Union-te’n ten nawrh huaihawt an tum avânga mipuite harsatna pumpelh nâna ruahmanna siam a ni tih pawh CCM chuan a hria a.

Pathianni hi Mizoram mipui tam zawkte tan sakhaw ni pawimawh tak, Pathian chibai kan buk thinna ni a ni a. India dân pui hnuaia sakhaw zalênna kan neih tibuai thei zâwnga ruahmanna siam a ni hi tha kan ti lo hlê a ni an ti.

CCM chuan hun lokal zêl tûrah pawh kristiante ni serh tibuai zâwnga thutlûkna siam tawh lo tûrin kan ngên nghål bawk a ni an ti.

Pathiannia bank hawn tum hi Central YMA pawhin duh loin Ministry of Finance, Reserve Bank of India (RBI), bank thuneitute leh Mizoram sawrkar hnenah he thutlukna hi Mizoram bik tan kaltlangpui chi a ni em tih ennawn leh turin ngenna an lo siam tawh a ni.