September 26, 2023; Kali Kumar Tongchangya, Kamalanagar III, Lawngtlai dist. chu court in kum li (4) tang tur leh Rs. Nuai 4 chawi turin a hrem.

COURT THUREMNA A KIMCHANGIN :- Dt. 25/9/2023 khan Pu Kali Kumar Tongchangya S/o Kegera (L), Kamalanagar- III, Lawngtlai District chu section 409 IPC and section 13 (2) r/w 13 (1)(a)(b) of PC Act, 1988 angin court in thiamloh a lo chan tir tawh a, vawiin dt. 26/9/2023 hian a hremna tur ngaihtuah niin ahnuai a mi ang hian hremna thupek tih chhuah nghal a ni.

Section 409 of IPC hnuaiah kum li (4) thleng lungin tan leh cheng nuai hnih (₹ 2 lakhs) chawi turin, pawisa chawitur hi a pe theilo a nih chuan kum khat thleng lungin tan in a tlak thei ang.

Section 13 (2) of the PC Act, 1988 hnuaiah kum li (4) thleng lungin tan leh cheng nuai hnih (Rs. 2 lakhs) chawi turin, pawisa chawitur hi a pe theilo a nih chuan kum khat thleng lungin tan in a tlak thei ang.

Kum upa tawh a nih bakah ama mimal tan sum hi hlemhlet pui a nih loh avangin hremna hi a kal kawp ang a.

Tichuan, a taka hremna a kaltlang tur chu kum li (4) thleng lungin tan leh cheng nuai li (Rs. 4 lakhs) chawi turin, pawisa chawitur hi a pe theilo a nih chuan kum hnih (2) thleng lungin tan in a tlak thei ang.

Court in hremna na zawk a pekna chhan a tarlan te chu:-

Tualchhung sawrkar (Local government) te ah hlemhletna hi a hluar zel chuan hlemhletna hi a tai darh nasa thei hle dawn a, hremna awmze nei pek angai a ni.

Hlemhletna pawisa hi tam tham tak ₹ 1,79,03,773/- zet ni in, hremna na zawk pek ngei a tul. Tuna hmun thenkhata Politics kal sual mek angah hian, District Council inrelbawlna hi Court rorelna rintlak tak hmang deuh chauh a siamthat theih a lo ni tawh a, chu siamthat hna chu a huamchhunga mi rethei bak berh leh chhumchhia te hamthatna tur ber a ni ang.

Kan ram kalsiam ah Political party bil hamthatna tura mipui sum pawhpen hi a awm chawk ni in a lang a, thuhnu dawn taka hremna hi pek a nih loh chuan mipui nawlpui in a tur ve renga ngaia pal zam hun a thlen palh a hlauhawm.

Hremna awmze nei hmangin mipui sumpai hi renchem taka hman fo tur a ni tih hi in hriattir kan ngai.

America President 26 na Theodore Roosevelt an “Sikul pawh kai miahlo ten rel pindan an rawk theih chuan, University zirna tem pha a nih phei chuan rel kawng chawp in a ru bo thei vek mai ang” a tih angin, tualchhung a Politics a hruaitute hlemhletna hi palzam a nih chuan hun lokal turah hlemhletna hi a tai darh nasa thei hle dawn a ni.

Court hian thiam loh a chan tir ni dt. 25/9/2023 khan he thubuaia hlemhletna pawisa man chhuah ₹ 1,26,00,000/- (Cheng nuai za sawmhnih paruk) zet chu sawrkar sumbawm a dah nghal turin thupek alo siam tawh bawk.