Aizawl April 16, 2024 : Lok Sabha MP Election-2024 ZPM Star Campaigner B. Lalchhanzova chuan Mizoram-a Recognised party zinga central-a zawm nei ve lo party awm chhun chu ZPM party chiah an nih thu a sawi.

Chhanzova chuan, "MNF te chu BJP nen tang ho in NDA ah fehkawng khat an zawh ho a, ZPM, MP candidate chu huaisen takin national party lian te thuhnuaia kun lo in ram tan parliament ah a tih tur a ti mai dawn a ni. Tualto party te hian Delhi tlang ah khuan zawm pui zuk neih kher hi a tul lo a, tha taka state sawrkar in hna a thawh chuan central sawrkar hi a thil phal em em a ni. Eng party emaw zuk zawm kher neih tul ni a mipui zirtir thin te hian dawizepna chi an tuh mek niin ka hria," a ti a, Parliament House-ah khuan zawmpui nei lo member 50 chuang zet an awm niin a sawi bawk.

ZPM Star campaigner chuan, "Kum 37 chhung MNF leh congress ten kan state ah mipui ro min rel sak tawh, mipu au aw ten ngaihven a hlawh tawk thin loh avangin zoram mipuite chuan MNF leh Congress party te chu chawlh kan pe ta rih a, party naupang tak ZPM party tang belin kan state chu raltiang ram kai ve turin a insingsa mek a ni," a ti.

Zoram mipui vote nei zawng zawngte uar taka vote thlak a, ZPM MP Candidate Richard Vanlalhmangaiha an vote hlu tak pe a, ZPM sawrkar hmachhawp te ti hlawhlting chho zel turin thawhpuiah a sawm bawk a ni.