ZALEN December 5, 2023 : Vawiin khan Central YMA chuan Assam ram chhunga Gharmura leh Dholchhora a Zofa cheng, Hrangkhawl te hnen atangin Manipura Zofa unaute tawrhna tanpuinan Rs.20,000/- a dawng.

Vawiin vek khan Mizoram Architect Forum te pawhin Manipura Zofate tanpuinan Central YMA ah Rs.67,000/- an hlan bawk.

Heng tanpuina te hi Central YMA aiawhin Prof. Malsawmliana, General Secretary in a lo dawng a, “ Manipur-a kan unaute tawrhna nasa tak hian tlang hrang hranga Zofa chengte min ti pumkhat in min ti tangrual a. An tan tanpuina kan dawng thin hi a lawmawm hle a ni. Hetianga unau kan inngaihsakna hian Zofate inpumkhatna kawngah rah tha a chhuah ngei ang” a ti.