September 29, 2023; Central YMA chuan, Prime  Minister hmalakna a India ram mipuiten a huhova darkar 1 chhung faina hnatlang 'Ek Tareekh, Ek Ghanta, Ek Sath' neih hun atan Pathianni ruat a ni chu Kristiante Pathian biakna ni ngaihpawimawh 
lohna niah an ngai.

Thuchhuah an siamah Central YMA chuan hnatlang  faina hnatlang neih chu tha an tih rualin, a hun atan a ruat October ni 1, 2023 chu Pathianni, Kristiante tan a ni serh leh Pathian kan biakna ni a nih tih an tarlang a, hemi vang hian faina hnatlang neih hi YMA 
chuan remchang lo niin an hria.

Hetiang a nih avang hian Mizoram sawrkar chu hemi ni a faina hnatlang buatsaih lo tur leh hun remchang dang a buatsaih turin an ngen.