Aizawl September 10, 2024 : Vawiin khan Central YMA chuan an ruihhlo man Cheng Vaibelchhe nga chuang man halralna hun an hmang. Ruihhlo man te hi Central YMA Hall kawtah tlema zawng tihral a ni a, a dang chu a hal ralna hmun bik (Incinerator)-ah halral tura tih a ni.

Central YMA hian 12.12.2023 - 9.09.2024 chhunga ruihhlo man hlut zawng halral tura an tih hi Rs. 5,58,45,780.00 (Vaibelchhe nga, maktaduai nga, nuai riat, singli, sangnga, zasarih leh chéng sawm riat) a ni. Synod Moderator Rev. R. Vanlalnghaka chuan a halral.

Halralna hun hi CYMA Vice President Prof. Lalnuntluanga'n a haihruai a, K. Lalthanmawia, CEC chuan hunserh a hmang a, General Secretary Prof Malsawmliana chuan report a pe a, President Lalhmachhuana chuan thu a sawi a ni.