Aizawl March 13, 2024 : Central YMA leh Mizoram Police ruahhmanna in March 12, 2024 zan khan Mizoram pumah hnamdang ILP neilo te enfiahna hun an hmang a. ILP fello man zat hi report dawn chinah mi 1065 an ni. An zingah hian kumtlinglo 6 an tel.

Aizawl Khawpui

a) Aizawl PS-284

b) Bawngkawn PS - 311

c) Vaivakawm PS - 76

d) Kulikawn PS - 97

e) Zonuam PS - 245

f) Sairang PS - 6

Total - 1065

ILP felhlel man te hi Police Station hrang hrangah a hnuaia mi ang hian hlan an ni :

a) Lunglei PS - 62

b) Champhai PS - 40 + 6 minors

c) Saitual PS - 47

d) Serchhip PS - 4

e) Khawzawl PS - 4

f) Mamit PS - 5

Total-122

Central YMA chuan hnamdang ILP neilo dapchhuahna kawnga thawkchhuak Branch, Group leh Sub- Headquarters YMA te chungah lawmthu an sawi a, Mizoram Police nena thawhhona tha tak nei a an hmalaknaah lawmthu an sawi bawk.

Mizorama hnamdang hnathawk, ILP neilo thahnem tak an awm hi enfiah a, hmalak chhoh zel tul niin Central YMA chuan a hria a. ILP pek chhuah dan chungchang pawh enthat tul niin an hre bawk. Mizorama hmasawnna hnathawktu (Construction Worker/ Company/ Contractor) ten an hnuaia hnathawkte pawh permit fel tak ngaihtuah sak ve turin an ngen bawk.