Aizawl June 28, 2024 : Centre For Environment and Social Justice (CESJ) Mizoram chuan National Highway Development & Infrastructure Corporation Limited (NHIDCL) ten kawng laih hna an thawh danah environment a khawih dan turah ruahmanna tha leh an tih tur lam an ngaihthah tiin hemi a mawhphurtu Executive Director, NHIDCL, Aizawl Region chu man turin an Working Chairman hmingin FIR an thehlut.

To

   The Officer In-Charge

   Bawngkawn Police Station

   Aizawl ; Mizoram

Subject: First Information Report

Ka pu,

   National Highway Development & Infrastructure Corporation Limited (NHIDCL) hnuaia kawng laih, NH-54 huam chhung, Zemabawk - Seling inkarah "kawng thlang lama awih pang dawl nghehna lungbang" (retaining wall) chim a awm nual a, tuna la chim velo pawh chim thei dinhmuna ding a tam hle a ni. Heng a hnuaia ka rawn tarlan point 4 ah hian sual thil tihna (commission of criminal offence) a awm ngeiin ka hria a ni:

1. Retaining wall-te hi a foundation nghet tak awm lo a hmanhmawh taka sak vek an ni tih a hriat a. Thlalak kan rawn thil tel a a lan ang hian, leivung chungah lung an rem tih a lang chiang em em a. Chuvangin a approve tu hian mawh a phur ngei tur a ni.

2. Retaining wall sakna hmanrua te hi professional in a endiklo tih a hriat a, en dik sela chuan eng professional tan maha pawm theih a ni lo.

3. Retaining wall sak hi engineer ten uluk takin an endik lo tih a hriat chian em em a, en dik nise la chuan leivung chunga innghat retaining wall hi eng engineer tan mah pawm theih a ni lo.

4. Project changtu NHIDCL te hian sum save nan bungraw man tlawm (cement, road, balu etc.)an hmang a,reilote ruah sur pawh a dawl zota lo reng a. Lirnghing phei chu a dawl zo lo hle dawn a ni.

Retaining wall chim atanga thil chiang tak lang chu - NHIDCL hian an houaia hnathawh an vil tha lohle a. Mipui himna leh himasawana tluan tling leh tlo siam ai chuan sum leh paia anmahni hlawkna chauh an ngaihtuah vangin, pawm theihlo a chhia in hna an thawk a, an hnathawh chhia chu a bul hnaia in leh lo nei a chengte tana a him lo a, kawng thlang lama lo leh huan neitute, mi kal vel hrim hrim te leh he kawng zawh tu mipui tam tak nunna dinhmun der thawng takah an siam tihna a ni.

Chuvangin he thila mawhphurtu, Executive Director, NHIDCL. Aizawl Region hi dan anga hrem a nih theth nan hma la turin ka ngen a che.

      I rintlak

(VANRAMCHHUANGI)

Working Chairman

Centre for Environment and Social Justice (CESJ)