Aizawl March 18, 2024 : Centre for Environment and Social Justice (CESJ) Working Chairman Vanramchhungi (Ruatfela Nu) chuan vawiin khan Superintendent, Anti Corruption Bureau (ACB), Govt of Mizoram hnenah Luangmual to Vaisam (Lunglei District) PMGSY kawng laih mek chhe lutuk chungchangah First Information Report a thehlut.

Vanramchhungi chuan, "Ni, 15, March, 2024 (zirtawpni) khan Luangmual to Vaisam PMGSY kawng laih mek hi kawngsir tui luankawr (side drain) chhia video clip viral ka hmu a, a hmain he kawng laih mek chhe lutuk chungchang hi kan lo sawi fo tawh a, rilru a la nghal a. Lungleia ka thianpain PMGSY suma Luangmual to Vaisam kawng laih mek RTI dan hmanga dilte pawh min rawn thawn a. Hetiang a nih chuan Anti Corruption Bureau (ACB) a FIR theh luh tur a ni tiin thutlukna ka siam ta a ni," a ti.

A lehkha thehluh-ah hian Luangmual to Vaisam (Lunglei District) PMGSY kawng laih meka hna chhe lutuka mawhphurtu contractor, VRS Construction, Zonuam Aizawl leh Lunglei Road Division-II Lunglei Mizorama a hotu lu berte an thiltihsual anga hrem an nih ngei theih nan dan anga hmala turin Superintendent,

Anti Corruption Bureau (ACB) a ngen a ni.