Aizawl March 20, 2024 : Chamdurtlang-1 Branch YMA te chuan vawiin March 20, 2024 hian President K. Lalruatmawia kaihhruaina hnuaiah Lairam Isua Krista Baptist Kohhran (LIKBK) New Vision English School chu April-ah School an tan hman theih nan hnatlangin an sak sak.

YMA te hian zirlai naupang te a ngai pawimawh bakah khawtlang zirna in tha an neih vat theih nan tiin school sak hnatlang hi an ko a, YMA Member 25 zet thawkchhuak a ni. Chamdurtlang hi YMA leh YLA awm kawp na ni mah se, khawtlang tan hian lungrual takin thawh hona an nei thin a ni.

Chamdur hi Lawngtlai district hnuia Bungtlang South Sub-Division leh Block hnuaia awm a ni a, MLA-ah chuan Lawngtlai West Constituency hnuaia awm niin YMA hi Tuichawng Group YMA hnuai awm niin, In 120 chuang an ni a, mi 800 chuang an cheng bawk.