Cuban-born American singer Camila Cabello chu UEFA Champions League 2022 final-ah a zai dawn. UCL final hi May 28 hian France khawpui Paris-ah khelh a ni dawn a, opening ceremony-ah Camila Cabello hian opening act a chang dawn a ni. 'Havana' singer chuan, "UEFA Champions League final-a ka inlan thei tur hi ka phur tak zet a, ka nghakhlel tawh hle a ni," tiin a sawi.
 
Final boruak vuak hot nan hian video an tichhuak a, hetah hian Camila Cabello hi langin a hla hit ho a sa a ni. Pepsi chuan Champions League final opening ceremony hi an sponsor thin a, kumin hi a zawna kum ruk an sponsor na tur a ni tawh. Kumin hian zai bakah, ennawm ropui tak chhawpchhuah a ni leh dawn a, inkhel tan hmain show hi neih thin a ni.

UCL final hi May 28, 2022 hian Stade de France stadium-ah khelh a ni dawn a, Champions League-a champion ngun ber Real Madrid leh English club hlun Liverpool ten final an khel dawn a ni. Final hi ram hrang hrang 200 chuangah pek chhuah a ni dawn a, entu pawh an thahnem leh viau dawn a ni.