Aizawl: Zirtawpni khan District Veterinary Officer Office Champhaiah Dr.Indra Kumar Narang, Diary Consultant, Government of India hovin Dr M.Zohmingthangi, DVO leh Champhai District Milk Producers’ Co-operative Union Limited (CHAMUL) Board of Directors ten meeting an nei a, awmze nei zawk leh felfai zawka bawnghnute lakkhawma hralh chhuah a nih theih dan tur sawiho a ni.   Dr. Indra Kumar Narang hian CHAMUL Board member te hnen atanga rawtna leh hmalak thinna te uluk takin a ngaithla a, Central sawrkar hnuaiah project siama thlena tha thar thawh leh a nih theih nana hmalak tum a nih tur thu a tarlang a. Meeting-in tha a tih angin bawnghnute thar chhuahte chu chhunkhawmna siama MULCO lama sawngbawl hnuah remchan dan anga hralh chhuah leh nise tih a ni a. Society pawh a tah tawla tihlen zel pawh tum a ni. Meeting zawh hnu hian CHAMUL Building hmunhmate an enfiah nghal.   CHAMUL hian kum 2010 atang khan CHAMUL bawnghnute a siam chhuak tan a. Society member atanga bawnghnute a leikhawm chu hralh chhawn leh turin a siam chhuak a, Champhai leh khaw chhehvelah te an hralh thin a ni.