A chawlhsan thu a puang tawh chungin, Ogtagon lamah a rawn let leh mai duh mai ringin hun rei tak chhung nghakin an thlem bawk a, mahse a nu hnena a thu lo tiam tawh tihlawhtlingin Khabib Nurmagomedov chuan chawlh pumhlum a thlang ta a. A  UFC Lightweight kawnghren pawh a dah alo ngai ta. 

Chu lightweight kawnghren chu Bellator lama lightweight champion vawi thum ni thei fighter tha Michael Chandler leh Charles Oliveira ten May ni 15 khian an inchuh dawn ta a ni. 

UFC 262-a lightweight title fight hmachhawn tur Chandler hian nikum kum tawp lam khan UFC a zawm ve chauh a,  UFC-ah fight vawi khat chiah la hmachhawnin ropui takin a che nghal a, Dan Hooker chu round khatnaah technical knock-out hmangin a hneh.

A khingpui tur Oliveira pawh hi fighter tha tak mai a ni ve bawk. A zawna tum riat lai mai chak zawn thei niin lightweight fighter zingah chuan a tawh khirh leh tha ber pawl a ni. 

Anni pahnih bakah hian Dariush leh Tony Ferguson te insual kan hmu bawk ang. Jamie Pickett leh Jordan Wright te fight hmuh tur a awm bawk dawn a, Priscila Cachoeira leh Gina Mazany , Viviane Araujo leh Katlyn Chookte insual pawh hi a nep hauh lovang.