Aizawl: Mizoram Journalists' Association (MJA) President Zonunsanga Khiangte chuan, "Chanchinbu chhuah hun pangngaia tichhuak turin a enkawltute tan mar reng a ngai a, a hun lai chuan chang dang kan theih pawh a ni lo," a ti. Chanmari Branch YMA kartin chhuak chanchinbu Chanmarians in kum 2016-2017 chhunga YMA chanchinbu chhuak tha ber an nih lawmna, Zirtawpni kaltaa Chanmari YMA Hall a neihah khuallian nia he thu hi sawiin MJA President chuan YMA chanchinbu chu a pawimawh tih sawiin, "Veng chhung mipuite a tih bengvar mai piah lamah a tha lama hruaina kawngah te, veng chhung mipuite inpumkhatna leh inngeih tlanna kawngah te, veng chhunga kohhran hrang hrang leh tlawmngai pawl hrang hrangte thawhhona leh inpawh tlanna te pawh veng chhung chanchinbu enkawltute ko-ah hian thui tak a innghat a ni," a ti bawk.