ZALEN, Mar. 14, 2025: Mizo Photographers’ Society (MPS) chuan Chapchar Kût denchhenin Kût Lady 2025 atan Christy Lalrinfeli an thlang.

MPS-in Kût Lady an thlan result hi Inrinni zan khan Vaivakawn Cultural Centre cum Auditoriaum, Vaivakawn, Aizawlah puangin Nursery Veng nula hi an thlang chhuak a ni.

Lalrinnungi, Kulikawn chu 1st Runner Up atan thlan niin Lalnuntluangi, Chanmari chu 2nd Runner Up a ni.

Chapchar Kût Lady 2025 thlanna result puan leh lawmman hlanna inkhawm hi Baryl Vanneihsangi, MLA-in khuallian niin a hmanpui.

MPS hian Chapchar Kût Lady hi kum eng emaw chen atang khan a lo thlang tawh a, ngaihhlut pawh a hlawh chho zel a, an thlan chhuahte hi hriat hlawh tak tak an awm zui nual tawh a ni.