“Kan taksa peng te hian kawng hrang hrangin hna a thawk a, kan thiltih zawng zawng hian taksaah nghawng a nei thei a; a hun lo va inbual pawh hian pumpui lamah nghawng tha lo a nei thei a ni,” tiin dietician Dr Garima Goyal chuan a sawi. 

Rual u ten chaw ei khama ve leha inbual lo turin min hrilh thin. Inbual hun hi mithiamte chuan an ngai pawimawh hle a, kan chaw ei dan leh hriselna a nghawng thei niin an sawi. 

Tunhnai khan Ayurveda lama mithiam Dr Dimple Jangda chuan Instagram-ah inbual dawna kan hriat tur thil pawimawh pathum a tarlang a. Lo en ve chhin teh leh. 

Inbual hmain tui glass khat in ngei ngei tur a ni: 
Expert te chuan inbual hmain tui lum no khat in emaw room temperature tihhniam deuh hi a tha a, chu chuan taksaa thisen sang kaihhnawih thil awmte a tih hniam theih thu a sawi. Ani chuan, “Tui lum in hian i taksa chu kawchhûng aṭangin a ti lum a ni” tiin a hrilhfiah a, chu chuan thisen kalna kawng a tizau a, chu chuan thisen tam zâwk a ti luang chhuak thei a thisen sang tur a tihhniam phah a ni,” a ti. 

Chaw ei puar hnuah inbual suh: 
“I chaw ei puar lai khan i kawchhung chu a lum a, tui sika i inbual rual khan chu kawhchhung lum chu a vawng dai ta thut a, chu chuan i thil ei pai tawihna a tichak lo bakah harsatna a thlen thei a ni,” tiin expert chuan a sawi. Chaw ei zawhah hian taksa lum chuan thisen a ti luang chak a, chu chuan chaw pai tawih kawngah thatna a nei a ni. Chuvangin i pum aṭanga thisen luang chhuak chu a tibuai thei a ni. 

Dr Garima chuan, “Chaw puar taka ei hnua inbual hian kawchhung lamah harsatna hrang hrang a siam thei a, a nghawng tur te ngaihtuah chuan a lo berah chaw ei hnu darkar khat velah tal inbual nise a tha,” niin a sawi. A letling chiahin chaw ei hmaa inbual hian taksa a ti tharin a tichak a ni,” a ti bawk.

Ni tlak hnua inbual loh tur: 
Kan taksa hi ni tlak hnuah a lum tan a, chu chuan a entir pakhat chu kan taksa chu mu turin a insiam rem tan tihna a ni. Expert chuan mut hmaa inbual hian chhunga taksa lumna siamtu chu a khawih khawlo thei niin a sawi a, “Taksa lumna sang tak a thlen thei bakah thil dang a tibuai thei a, zan mut thilh thlengin  a buai phah thei a ni,” a ti bawk.

    Chu bakah, i inbual dawnin thisen kal that nan leh heart level tih hniam nan tui lum hman ngei a tha a, hmai phin nan bik erawh tui vawt hman pawh a pawi lo. Tui lum chuan i sense organs te venghim thei a ni. Dan tlangpuii tui lum hi naupang, kum upa lam leh damlote chauh kan hman tir thin a, a lo ni ber lo. 

Duh thusamah chuan inbual hmain taksa pum hi oil massage nei hmasa thei ila, chu chu hriselna kawngah a pawimawh em em a ni.