Kumin kum tira Frank Lampard thlak tura lak luh kum 47 mi Thomas Tuchel chuan beisei phak bakin Chelsea a chet that pui a, Premier League lamah palina hauh phak hram mahse cup ngaihhlut hlawh Champions League nomawi a lak pui thei. FA cup final thlenpuitu manager Thomas Tuchel hi Chelsea-in an lakluh tirh khan thla sawmpariat daih contract an ziah pui a, tunah kum hnih daih ziah belh lehin kum 2024 June thla thleng Blues hi a enkawl dawn ta a ni. 

A contract thar chungchangah Tuchel chuan tuna an , “A bak a la awm teuha, tumruhna nen kan hmalam hun kan thlir a, kan phur em em bawk a ni,” a ti.

Tuchel-a’n Chelsea a enkawl tirh hian Blues hi Premier League-ah pakuana an ni meka, season tawpah erawh palina niin season an khar.