ZALEN February 16, 2025 : Mizoram sawrkarin October, 2024 atanga chhiah thar kawng siamna leh vantlang hamthatna siamna tur chhiah thar a lak tangin Rs. vaibelchhe 23 chuang a lut tawh.

Taxation department tar lan danin kawng siamna tur, Road Maintenance Cess atangin thla li kalta (October 2024 leh January 2025) inkar khan Rs. 11,79,64,286 hmuh a ni a, vantlang hamthatna hna thawhna tur, ‘Social Infrastructure & Services Cess’ atangin Rs. 11,79,64,286 hmuh a ni tawh bawk.

Mizoram sawrkarin sawrkar kum thar, April, 2024 atanga January, 2025 inkar chhunga chhiah chi hrang hrang hmanga sum a lakluh hi Rs. 9,67,83,92,646 a tling tawh a. Hengte hi GST atangin Rs. 7,71,51,48,810, professional tax atangin Rs. 12,41,55,520, sales tax atangin Rs. 1,60,30,07,194, road maintenance cess Rs.11,79,64,286, social infrastructure & services cess Rs. 11,79,64,286, entertainment tax Rs. 50,000 leh hmun dang atangin Rs. 1,02,550 te an ni.