China-a pneumonia hri leng mek chungchang sawiho || Chi-ai na tur a awm lo - Health Principal Secretary
![](https://zalen.s3.ap-south-1.amazonaws.com/images/news/1701255252_Esther.jpeg)
Aizawl November 29, 2023 : Vawiin khan SAD Conference Hall, MINECO-ah Health Department Principal Secretary Esther Lalruatkimi hovin China rama pneumonia hri leng mek chungchang leh he hrileng laka Mizoram a him theihna tura hmalak tulte sawiho a ni.
Health Department Principal Secretary Esther Lalruatkimi chuan China rama pneumonia hri leng vanga nausen thi an awm thu sawiin sawrkar laipuia Ministry of Health & Family Welfare lamin a tul anga lo inpuahchah tura hriattirna an tihchhuah avangin keini lam pawh kan lo inbuatsaih a ngai a ni a ti.
Esther Lalruatkimi chuan Ministry lam atanga lehkha rawn kalah pawh tun dinhmunah chi-ai na tur a awm loh thu an ziak tih sawiin mipuite chu chi-ai lo turin a chah nghal a. Hmalam hun hriat lawk a nih loh avangin kan phak tawk china lo inbuatsaih hi a pawimawh a ni a ti a. COVID hripui len laia inkaihhruaina dan te kha fimkhur thilah zawm tur chin te ngaihtuah a, health sector a thawktute dinhmun leh damdawi, hmanraw neih te lo in hrechiang tura hriattirna dawn a nih thu a sawi.
Health Department hotute chuan China rama pneumonia hri leng chu zirchian mek a nih thu sawiin, tun dinhmunah India ram tan hlauhthawn tur a awm leh rih lo ni a a lan thu an sawi a, chutih rualin inthlahdah chuang si lova India ram chhung a bikin Mizoram hnaih State hrang hrangte dinhmun thlithlai reng a tul thu an sawi a ni.
Latest News & Chhiar Hlawh
-
2m | Jul 26, 2024
-
1m | Jul 26, 2024
-
2m | Jul 26, 2024
-
1m | Jul 26, 2024
-
1m | Jul 26, 2024
-
1m | Jul 26, 2024
-
2m | Jul 26, 2024
-
1m | Jul 26, 2024
-
1m | Jul 26, 2024
-
1m | Jul 26, 2024
-
1m | Jul 25, 2024
-
1m | Jul 25, 2024
-
2m | Jul 25, 2024
-
1m | Jul 25, 2024
-
1m | Jul 25, 2024
-
1m | Jul 25, 2024
-
2m | Jul 25, 2024
-
1m | Jul 25, 2024
-
1m | Jul 25, 2024
-
1m | Jul 25, 2024