DOWNLOAD OUR APP

Read latest news on your phone
app-store
China chhimthlang lei minin mi 47 chhilh hlum
Jan 22, 2024

China chhim thlang lam, Yunnan province-a Thawhtanni tuka lei minin mi 47 vel a chhilh hlum niin sorkar chanchinbuin a tar lang.


Zhaotong khawpuia chhiatna thlengah hian tui khang theihna khawp khaw vawt hnuaiah chhanchhuah hna thawh mek a ni a, tute nge thite hi tih pawh finfiah theih a la ni lo.


Tual chhung chanchinbuten video an tihchhuahah chuan chhanchhuaktute hi in leh building lian tak tak tlusawp karah hna an thawk tih a lang.


Mi 500 chuang hmun hima lak chhuah tawh an ni tih People’s Daily chuan a tar lang.


Lei hi zing dar 5:51 (India-a zing dar 2:41)-a min a ni a. Sorkar enkawl broadcaster CCTV chuan mi thenkhat chu in chim karah an la tang niin a tar lang.


Thuneitute chuan lei a min chhan hi an zawng mek bawk.


China tlangram hmun kilkhawrah hian lei min hi a tam a. January, 2013 pawh khan Zhaotong-a Zhenxiong county-ah lei min hian mi 18 vel a lo chhilh hlum tawh.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh