American actor Chris Evans leh singer Selena Gomez te chu tun an in 'date' niin thu a thang a, social media lamah sawi a hlawh hle. 

Kum 29 mi Selena Gomez hian kum kal ta mai khan Chris Evans hi a 'celebrity crush' a nih thu a lo sawi tawh a, tunah sawi zawm an ni ta chat. Christopher Robert Evans hi kum 40 mi lai a ni tawh a, fans lamin Selena nen hian an sawi zawm mai mai a ni ang em tih pawh hriat a ni lo. 

Hetih lai hian Evans leh Selena te hi October 1 khan Los Angeles khawpuia studio pakhat an chhuahsan lai hmuh an ni a, a tuk lawkah restaurant ngai chiahah thla an la tih hriat chhuah leh a ni. An thlalak dunna erawh hmuh tur a la awm lo thung. 

An chungchang hian Twitter lamah khel a hlawh hle a, fan lam pawh an phur hle. 

'The Monte Carlo' star Selena hi Canadian singer Justin Bieber nen 2011-2018 inkar khan langsar takin a lo inzui tawh a, milar tak tak - Nick Jonas, Taylor Lautner, Zedd leh Niall Horan te pawh a date tawh zingah an tel. Hei mai hi a ni lo The Weeknd nen pawh 2017 khan thla 10 vel chu an lo in zui ve tawh bawk. 

Tunah amah aia kum 10 chuanga upa Chris Evans nen sawi zawm an ni leh ta a, eng nge thleng zel dawn tih chu a hriat thuai dawn a ni.