Chrissy Teigen leh John Legend te chuan an fa pathumna tur an beisei leh mek. Chrissy Teigen chuan tun hnai khan Instagram kaltlangin a rai thu hi a pholang a, a puar tawh viau mai. 

Chrissy Teigen leh John Legend te hian fa pahnih an nei tawh a, pakhat chu 2020 khan an pai laiin an chan hlauh bawk. Tunah chuan nau an chhiat hnuah a pathumna tur an pai leh tawh a, lawmpuitu leh duhsaktu pawh an ngah hle. Teigen hian a hun tawn tawha hreawm ber a la nih thu a sawi chhuak hial a nih kha. 

American model Chrissy Teigen hi kum 36 mi lai a ni ve tawh a, tun bak hi chu nau a pai tawh kher lo mai thei. Chrissy Teigen chuan, "Lawmnain kan khat a ni. Kan rilru a hlim tak zet a, kan inchhung boruak pawh a nuam tak zet" tiin a sawi. 

Kum 43 mi John Legend leh Chrissy Teigen (36) te hi 2013 khan an innei a, fa pahnih Luna (6) leh Miles (4) mite an nei.