Cindy Lalthanpui chuan hla thar a tichhuak ve leh ta a, ‘Siamtu Zai Ngai Mai Rawh’ tih a ni. A hla thar hi a YouTube channel 'Cindy Lalthanpuii Official' ah Zirtawpni zan khan upload a ni a, a duha apiang tan ngaihthlak theih a ni. 

‘Siamtu Zai Ngai Mai Rawh’ tih hla hi upa V. Thangzama phuah a ni a, recording hi Lord’s Audicraft, Mangheta Chaltlang a ni. Video mawi tak mai hi Mawitea Hauchhum 'RDS SHOTS' kutchhuak a ni leh bawk. 

Cindy Lalthanpui chuan heti hian a hla thar chungchang a sawi -

"He khawvel hi mawi tiviau țhin mah ila, lungawina reng kan hmu lo va, țapin vuina tur kan tawng a, hlimin kan nui reng thei lo a nih hi!
Tlai, puarna reng awm si loah hian hah takin kan intlansiak a, hausa tak ni mah ila, kan duh leh mamawh hi a tam mai a ni. Chu kawngah chuan hun harsa paltlang zo lovin, kawnglakah kan chau leh mai țhin.
Nang ringtu, he khawvelah hian eng nge i zawn a, eng nge i ngaihhlut le? Eng kawng zawhin nge i tlan țhin le. I kawngte chhut ngunin țawngțai fo la, lungngaih ni leh lawm lai ni pawhin Isua bel tlat zel la. Tichuan, eng pawh i tawh niin, Isua nen chuan hlim taka kalin, i thlamuang reng dawn a ni.
Isua nena van thlenga inzui a, kan thlamuan fo theih nan, he fakna hla ngaithlatu zawng zawngte Lalpan malsawm vek che 
rawh se."