September 26, 2023; Chief minister Zoramthanga'n tunlaiin a bial Aizawl East I a fang mek a, nimin pawh khan hmun hrang hrang fangin, interview hun te a siam.

A official IG page a a tarlan danin, nimin chawhnu hun pum khan a bial chhung Zemabawk, Zemabawk North leh Falkland te a fan chhunzawm a, damlo kanna leh mitthi ralna hun neiin, a remchang laiah CM office lama amah dawr remchanglote tan interview hun a siam bawk.

Nimin chawhnu khan Govt. Zemabawk Higher Secondary School tlawhin Govt. Zemabawk HHS leh HS ten an hman tur Water Tanky siamna tur hmun an en hova. He Tanky siam tur hi tui litre 1,30,000 dawng thei tura ruahman a ni a, rain water harvesting scheme pakhat - AMC atangin tied-fund water related sum cheng nuai 50 chuanga siam tum a ni.

"Aizawl East-I huam chhunga hmasawnna hna thawh mekte ka hmuhin lawmawm ka ti em em a, tun sawrkar term-ah leh term tharah pawh Pathian leh mipuite zarah khawtlang leh bial mipuite tan hmasawnna nasa zawk kan thlen belh zel theih pawh ka beisei," tiin a tarlang bawk.